ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

سون باخیش
میرجمال حسینی «اینجیک»

(اوستاد سیدجلیل حسینی‌نین شعریندن استقبال)

«سون باخیش نه درین معمایمیش
سون باخیش بلکه ده تمنایمیش »*

سون باخیش یوللاردا یووا سالاجاق،
سون باخیش اؤلومو قاباقلایاجاق.
سون باخیش بیر حسرت، بیر گؤز یاشی‌دیر
بو سونسوز گئجه‌نین اوزاق باشی‌دیر.
سون باخیش ایتگی‌می یوخسا بیر حیات؟
سئودالیم سیلکه‌لن اؤزونو اویات!
سون باخیش اومودون ییخیلان گونو،
سؤزلرین بوغازدا بوغولان گونو،
وارلیغین حئیرتده دونان چاغی‌دیر،
بوغاناق چاغی‌دیر، دومان چاغی‌دیر.
سون باخیش سئوگی‌نین دیلنچی‌سیمیش،
سون باخیش سئوینجین باشین کسیرمیش.
سون باخیش گؤزومدن وئرگی‌لر دیلر،
گیزلی ایسته‌ییمین هامیسین بیلر.
سون باخیش آللاهین غضب آیه‌سی،
کؤنول سوداسینین باتان مایه‌سی.
سون باخیش عؤمرومده بیر حسرت داغی،
سون باخیش یاغیشلی بیر آخشام چاغی.
«سیدا» نه درین معمایمیش؟!
گیزلی یالواریشمیش، تمنایمیش.

• اوستاد سید جلیل حسینی

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *