چئویرن: ایشیق
ترجمه: ایشیق
ایشیق

سؤز اسکیکی وار
محمدعلی اوجاقی نیارق

چوخ گرایلی یازیب، قوشما یازمیشام
یئنه میصراعیمدا سؤز اسکیکی وار.
شعریمه باخاندا سؤز اوستالاری
دئییرلر تزه دن یاز، اسکیکی وار!

هر کس سوره بیلمز دریادا گمی
گرکدیر اولسون او بیر اوستاد کیمی
ناشی چالا بیلمز یانیق کرمی
چالسا دا یاندیرماز، کؤز اسکیکی وار.

آتاسیز دونیانی بیله بیلمیرم
آتاسیز حیاتدا گوله بیلمیرم
اؤلمک ایسته‌ییرم، اؤله بیلمیرم
بلکه ده یاشیمین آز اسکیکی وار.

نورو آزالیبدیر بو گؤزلریمین
فرقی یوخ گئجه ایله گوندوزلریمین
کاسیب یورغانی تک بو سؤزلریمین
آستاری اولسا دا اوز اسکیکی وار.

«اوجاقی» بسدی دای قاتلا کاغیذی
قیشیوین قئیدینه قال یایی یازی
دئییرسن یازیرام آخی نه یازی!
اللی میصراعیندا یوز اسکیکی وار.

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

سؤز اسکیکی وار/ محمدعلی اوجاقی نیارق

ایشیق
www.ishiq.net

آذربایجان ادبیات و اینجه‌صنعت سایتی

سؤز اسکیکی وار/ محمدعلی اوجاقی نیارق

ایشیق
www.ishiq.net

آذربایجان ادبیات و اینجه‌صنعت سایتی

سؤز اسکیکی وار/ محمدعلی اوجاقی نیارق

ایشیق
www.ishiq.net

آذربایجان ادبیات و اینجه‌صنعت سایتی