اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

آدسیز فضا
میرجمال حسینی«اینجیک»

بیر آدسیز فضادا مین آدسیز خیال
منیــم قوجاقلایب دیلــک‌لریمــی.
گؤزوم قارشیسیندا هئی قاناد چالیر
گله‌جک نغمه‌سی، سعادت سسی.

ائشیدیرسن! دینله یاخچی قولاق آس
اونـــــلار آزادلیقدان دانیـشــیر سنه.
اونلاردان نه قده‌ر قاچسان دا یئنه
اونــــلار دویغو تکی قاریشـــیر سنه.

باخیرسان یاخچی باخ ساده غرورسوز
اونـــــــــلار حقیقـــتا چوخ اوجادیـــلار.
اونــــلارین ویجدانی آلتونو، پولـــو
آنجاق تبــسسومـــله قــووالادیـــلار.

اونــــلارین تاریـــخی قدیــمدن بری
قوجـامـان حــیاتین واراقـــلاری‌دیــر.
اونلارین یام – یاشــیل دوشونـجه‌لری
سئـوگی تانری‌سینین اوشاقلاریدیر.

اونــلارین کاروانـی سـؤز یولــلارینـدان
آرتــیق داهـا دوشوب گؤز یولاریــنا.
دیــلی کسمک اولار، عؤمروده آنـجاق
کیم باداق ووراجاق گؤز قولــلاریـــنا.

گؤره‌سن اونـــلارین دویغوسو اینـــدی
هانـسـی دونیالارین گؤزونــدن باخـیر.
بلکه ده یاغیـش تـک اومود باغـیــندا
سـئوگی یاناغـی‌نـین گولـون سـوواریر.

اونــــلار بــیر دنـــیزدیر دالـــغالاریـــلا
ایــنام‌ گمی‌سـیـــنی قایایا دؤیـــمز.
اونــــلار بوغـولـــسـادا دریــنلـیـیـنده
کـوله‌یی، بورانی هــئچ زامان اؤیـمـز.

«اینــــجــیک»م، خـــیالـیم اصیل اؤزومدور
من اؤز وارلیــغیــــما فــخر ائله‌یـــیرم.
خــــیالــــــیم گوجــــی‌له ابدیــیــتی
محـبت لوحونـــدا سـئحر ائـــله‌ییرم.

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *