اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: روزبه صمدی (نیراوغلو)
ترجمه: روزبه صمدی (نیراوغلو)
روزبه صمدی (نیراوغلو)
00:00
00:00

بو یازی‌نین صوتی نسخه‌سی حاضرلانماییب. بو یازی‌نی اؤز سسینیزله اوخویوب بیزه گؤندره بیلرسینیز.

یئنگی دونیایه بو گون شاختا گئدیب بوز گلدی
دده وای بوزدان آمان
قارا میمون یئرینه بیر ساری مورقوز گلدی
ساری مورقوزدان آمان

ساری مورگوز گؤتوروب هر طرفه آتدی داشین
ائله بیل جاده‌یه چیخمیش ییه‌سیز جینلی ماشین
بالا سیزلرده بوجور جینلی‌لره آز دولاشون
بو ماشیندان بئله بیر سکته‌لی تورموزدان آمان
ساری مورقوزدان آمان

دؤره‌سینده دولانیر حوری کیمین نم نئچه قیز
یالا چون چوخ داراشیبدیر بو کؤپک اولدو قودوز
اولاجاقدیر دئیه‌سن کی بو قوز اوستونده کی قوز
ائله قیزدان، بو قودوزدان، بئله بیر قوزدان آمان
ساری مورقوزدان آمان

من دئیردیم کی بو آمریکالی‌لار هوشلودولار
دئمه کی دیبده بولار چوخدا باشی داشلی‌دیلار
شاهلاری فیتنه‌چی، دولتلری اووباشلی‌دیلار
بولارین سئچدیگی بیر کله‌سی قارپوزدان آمان
ساری مورقوزدان آمان

ایرادین بعضی‌سی قارداش بو مسلماندادا وار
ساری مورقوز کیمی کاللار عربستاندادا وار
اسلامین خائینی حتتا بیزیم ایراندادا وار
یارامیز اوستونه هر گون سپیلن دوزدان آمان
ساری مورقوزدان آمان

آغامیز رحمه گلیب وئرمسه گر های بشره
یوخدو بوندان بئله دونیاده آمان دای بشره
چونکی شیطانلار ائدیب دونیامیزی زای بشره
اسلامین دوشمنی داعش کیمی یولسوزدان آمان
ساری مورقوزدان آمان

آی «نیراوغلو» دئییرم بیر گون اگر حیوان اولام
یاخشی‌دیر تا قان ایچن فیتنه سالان انسان اولام
ایستیرم دردلی‌لرین دردینه بیر درمان اولام
گؤزلریمدن تؤکولن هر گئجه اولدوزدان آمان
ساری مورقوزدان آمان
۱۷/۱۱/۹۵

اشتراک گذاری در print
چاپ

یک پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

روزبه صمدی (نیراوغلو)

روزبه صمدی (نیراوغلو)

باشقا اثرلری