من آرازدا بوغولموشام
روشن
بیزی آییرانلار-
نه عفریته، نه دوشمن؛
بیزی آییرانلار-
نه جلاد، نه ده خائن؛
بیزی آییرانلار-
ایچدیگیمیز سو،
یئدیگیمیز چؤره‌ک،
کؤنلوموزون پارچالاری،
اوز ایچیمیزدن، اوز قانیمیزدان…۰
بیزی آییرانلار-
آراز کیمی اولدولار؛
هئچ قارقیش دا ائتمه‌دیک آرازا…
ایل دولانیب، عومور کئچیب؛
بؤلونموش توپراق اولموشام؛
سن آرازین اوتاییندا،
من آرازدا بوغولموشام…
2 پاسخ
اعلادیر یاشایین اللرینیزه ساغلیق
روشن
جانیم سان
اوخودوم
چوخ گوزل شعیردی
اوغورلار سنه