چئویرن: ایشیق
ترجمه: ایشیق
ایشیق

ایلک چیلله
معصوم جبارپور

ایلک چیلله
قار یاغیردی
اؤپوجوک‌لرین زوو گئدیردی یاناقلاریمدا
قایدی
خافاخافدان دوداقلاریما
بوخاغیمین اریلیگینده ظفر تاپدی!
ایلک چیلله
ایلک دفه دوداقلاریم قایدی
اللریم
آیاقلاریم
اوره‌ییم بئله داها سول بولومونو قاپساماییر!
بیلیرسن می ؟
یوخلوغوندا
کوچه‌نین قار آدامی اینتیحار ائتدی!
بوتون آنیلاریم سنین پایین
یالنیز
بیر پارچا کورسولو گئجه‌میزدن کَس
تیکیم دوشلریمه
کیم قارقیدی بیزی؟!
او قارلی گونده
دونموش قارانلیق کوچه ده-
دمیر تیکنلر تیکیلدی ایکیلی آراسینا
بیر قورشاق باغلادی
قارلی یوللاری
بیریسی او تایدی
بیریسی
گزیردی بو تایدا !
قان آغلادی حالیمه-
دوغمامیش نار چیچک‌لری!
قوربت یاغدی گؤزلریمه
بیلیرسن می ؟
هر قار یاغاندا
ایچیمده کی قار آدام
کئچمیش تورکوموزو آراییر
شاق دئیه
چیرپینیر خاطیره لره …
” قاری ننه گئجه ناغیل دئینده”
نه اولور
کورسو ناغیل لاریندا اونوتما منی
ایتیرمه ایاق ایزلریمی قارلی اورکدن
بیر سیغارا آلیشدیر
یاییلان توستوسونده
بیر شکیل چک
قانیله دولو بیر جوت گؤز
اینان
یاشیل گیله‌لر قوربان گئدیب یوخلوغونا !
بیلیرسن می؟
ایندی‌یه‌دک
آسیلی قالمیشام سینیق تاواندان
قندیل سایاغی بورولاردان آسلانان –
بوز کیمی
اری ییرم
بیریسی
تکمه‌لسین آجی گونلری
هله
تاواندان
آسیلیدیر، مین بیر اومودایله یاشیل گؤزلو قیز جیغاز!

شاق دئیه کسیلیر
چیلله‌نین قارپیزی
قان سیچراییر نار دانالارین اوره‌یینه
دیکسینیرم
اوموزلاریم آرخایین
آرخالیق آختاریر قارلی گئجه‌ده
گل-
بیچاقلا یالقیزلیغیمی
کال می؟
یوخسا یئتگین…
یوخ
گل
گؤر
چوروموش بیر قارآدام
قایغی لار ایچینده
بوتون گئجه‌لر .

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایلک چیلله / معصوم جبارپور

ایشیق
www.ishiq.net

آذربایجان ادبیات و اینجه‌صنعت سایتی

ایلک چیلله / معصوم جبارپور

ایشیق
www.ishiq.net

آذربایجان ادبیات و اینجه‌صنعت سایتی

ایلک چیلله / معصوم جبارپور

ایشیق
www.ishiq.net

آذربایجان ادبیات و اینجه‌صنعت سایتی