چئویرن: ایشیق
ترجمه: ایشیق
ایشیق

mircamalموغان گؤز‌ل‌لری
میرجمال حسینی(اینجیک)

نازدی، چیچک‌دی، سئوگی‌دی،
آی‌دی موغان گؤز‌ل‌لری.
تانری وئریبدی وئرگی‌دی،
پای‌دی موغان گؤز‌ل‌لری.

دوم -دورودو باخیش‌لاری،
موم ائله‌ییبدی داش‌لاری،
کیپریگی اوخ‌دی، قاشلاری-
یای‌دی موغان گؤز‌ل‌لری.

قوربان اولــوم وفاسینا،
اوزده اولان حـیاسینا،
خان چوبانین ساراسـینا-
تای‌دی موغان گؤز‌ل‌لری.

بیــر یاراشـیق‌دی ائل‌لـره،
ازبر اولوبدو دیل‌لره،
غم بوروین کؤنول‌لره-
های‌دی موغان گؤز‌ل‌لری.

گون‌دن ایشیق یاناغی‌دیر،
تورک ائلی‌نین اوشاعی‌دیر،
یوردو آراز قیراغی‌دیر،
چای‌دی موغان گؤز‌ل‌لری.

مین باجاریقلی هر الی،
دوشونجه‌لی، سلیقه‌لی،
«اینجیک»ی ائیله‌ییب دلی
سای‌دی موغان گؤز‌ل‌لری.

چاپ

7 پاسخ

  1. موغان گوزللری آدلی شعیر سوزسوز کی آذربایجان ادبیاتیندا قیزیل حرفلرله یازیلاجاق،بو شعیر کی آذربایجان کلاسیک ادبیاتیندا ایز بیراخمیش داهیلر شعیرلری ایله بیرباشا برابرلیک گوجونه مالیک دی من دیه بیلیرم کی حتی اوزونه خاص بیر تمپ و اسلوب دا الده اده بیلیب.
    داهی و گورکملی ال شاعیری میرجامال حسینی جانابباری بیرداها بونو ثبوت الدی کی بو لقب کی اونا خالق طرفینن وریلیب یرسیز دییل دی،او حقیقتا ده ال شاعیری دی،اونون نجه ده شعر صنعتی و اوندا اولان اینجه لیکلره،ایجازلارا،معنوی و لفظی شعیر صنایعینه و ان اونملی سی عروض صنعتینه احاطه لی یاناشماسی شعیر تنقیدچیلری طرفینن آلقیسلارا لایق بیر شاعیردی.
    عزیز ال شاعیری قلمین و گوزل دوشنجه نه آلقیشلار.

  2. سلاملار و گجز خیرلی سایین میرجمال بئی
    بو شعره دوغوردان دا باییلدیم…
    بیر قز گوردوم مردانا
    دوغموش اونو مرد آنا
    ددیم هارالیسان سن ؟!
    هارا مارالیسان سن؟؟
    ددی مغان قیزیام
    عشقین دان اولدوزویام!

  3. سالاملار اولسون عزیز استاد میرجمال حسینی جنابلارینا,گونی ازرباجانیمیزین ادبیاتیندا چوخ بویوک و درین تاثیرلر بوراخان شعرلرینیزه گوره سیزه مینتداریق,,,امیدوارام گوزل و ادبیات سون خالقیمیز سیزین اثرلرینیزی لایقی قدر ده ییر لندیریب و بو گوزل اثرلردن لذت اپارسینلار…سیزه اوغورلار استاد.

  4. سلاملار و سایغیلار چوخ گوزل و اوره یه یاتیم شعر الوب شاعر بو شعرده اؤز یوردونون گوزللیک لرین و اؤز علاقه سین اونلارا گوستریر و مکانیندا گوزل شکیلده تصویره چکیب اللرینه سالیق دیرم شاعر

  5. آلقیشلار اولسون سیزه استاد میرجمال . استاد شهریاردان سونرا سیز ایکینجی شاعیرسینیزکی موغانی چوخ گوزل توصیف ائدیبسینیز .

  6. سالاملار وسایقیلارلا
    چوخ حورمتلی ایشیق سایتی نین امکداشلاری هر بیرینیزی ائلیمیزین مدنیتی نین کئشیینده بیلیک و اوزاق گوره نلیکله دوردوغورنوز اوچون صمیم قلبدن آلقیشلاییرام و اینانیرام هانسی سا بیر ائلین و خالقین اوغروندا تمناسیز و تواضعکارلیقلا چالیشانلار وارسا و او ائلین مدنیتی و هرهانسی ساحه سینده انکشاف ائدیرمه ییینی اؤزلرینه وظیفه ساناراق جان کونولدن خدمت گوستره نلر اولارسا دئمه لی او خالق بوتون چتین لیکلره باخمایاراق گله جه یه اومودلا استقامت گوتوره بیلر. ایشق سایتی اوز چینینه گوتوردویو بو آغیر یوکون لایقینجه عهده سیندن گلیب ، گلیر و گله جه کدیر .بو رسالتی شرفله داوام اددیردیینیزه گوره تشکور ائدیرم . حورمتله میرجمال حسینی

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

موغان گؤز‌ل‌لری / میرجمال حسینی(اینجیک)

ایشیق
www.ishiq.net

آذربایجان ادبیات و اینجه‌صنعت سایتی

موغان گؤز‌ل‌لری / میرجمال حسینی(اینجیک)

ایشیق
www.ishiq.net

آذربایجان ادبیات و اینجه‌صنعت سایتی

موغان گؤز‌ل‌لری / میرجمال حسینی(اینجیک)

ایشیق
www.ishiq.net

آذربایجان ادبیات و اینجه‌صنعت سایتی