اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

mojtaba nahani
سنسیزلیک‌لر(۲۱)
مجتبی نهانی

(۱)
یاناسی یانان اوره‌کلر
گونشین گؤزوندن قاچیرلار
یاندیقلاری قده‌ر یانمیشلار

(۲)
توتولموشام سنه
گونش دئییلم
آی دئییلم
گؤی دئییلم
ساده‌جه سنی سئویرم

(۳)
گؤزوم سنده قالدی
الیمدن نه گلیر
هئچ کیمی گؤره بیلمیرم
گؤرمک ده ایسته‌میرم-
سنسیز…

(۴)
هاردان باش چیخاردیر-
سنسیزلیک
یوخ آراسی یوخدان
وار اولان وارلیقدان

(۵)
نئچه باشلی‌دیر-
سنسیزلیک
چیخاجاق یئرلری بیلیر
ساغ اولسون
دوشونجه لی‌دیر
تک قویماز منی

(۶)
باش-قولاغی اویناییر-
بو سنسیزلییین
یاخشی اوغلان دیر دئدین
آما حیاتین سیلیسینی یئیه‌جک کیمی دورور

(۷)
هارا باش آلیب گئدیر
بو سنسیزلیک
آخی من اونا دا آلیشمیشام

(۸)
باش چیخاتمیرام-
سنسیزلییین دیلیندن
گلسن منه ده دئیرسن

(۹)
آسقیدا آغ بیر گول
یادیمدا سن
چیلپاق بوراخیلمیشام-
سنسیزلییه…

(۱۰)
گولوشونده
ایللرجه یاتا بیلرم
ایتگی لری سایمایاراق…

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *