اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

photo_2016-08-14_14-30-46
سنلی،‌ سنسیز دویغولاریم ۲
هانیه‌تبریزلی «آیمان»

(۱)
گؤز آدیندا
بیر اوتوبوس وار
بو گونلر
منه تای چوخلاری
او اوتوبوسدان دوشوبلر!…

(۲)
ایللر ایدی چیخیب گئتمیشدین
یوخودا گؤردوم؛
بیر الیمده فانوس
باشقا الیمده ده بوللو آچار وار
قاپی‌ ـ‌ قاپی سنی گزیرم!
یوخودان آییلدیقدا سنی یانیمدا گؤردوم
اللریمی ده سیخ توتموشدون
هئچ یوخوم
بئله دوزگون یوزولمامیشدی!…

(۳)
اللرینی بوینوما دولا
منی چک کؤکسونون حاصارینا
بورادان قورتولماق ایسته‌‌مم
بو شیرین دوستاقلیغی
چوخ سئویرم…

(۴)
یالقیزلیغیم
یولوقجو(مسری) دئییل
هردن گل گؤروشومه
قورخما
یانیب یاخیلماغیم
سنی بولاشدیرماز!…

(۵)
گوندوزلر ایچیمده گزیرسن
گئجه‌لر یوخومدا
نییه بس
یوخون یوخدور سنین؟!…

(۶)
اوره‌یینله، قوجاغینی
مندن آلان بیریسیندن،
یامان قورخورام
گل آرخایینلات اوره‌ییمی
قورتار، منی اوزن
بو پیتلاشیق خولیالاردان

(۷)
هئی…
بیر زامان واریدی «من له سن»
اونونلا باشقاسی…
بو گونلر…
«سنله او»
و
منله تانری…

(۸)
سن گئده‌لی
دَییشیه بیلمه‌دیگیم
بیر دوروما دؤزن
اوره‌ییمه یازیغیم گلیر!

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *