عشق حديثي/ شهرك«ميرزا»
مرام عشق‌ده ال چكمك اولماز عهد و پيماندان
كئچنمز عهد و پيمانيندن عاشيق، ال چكر جاندان
طبيبه سؤيله‌يين ييغ گئت بساط طب و درماني!
مريض عشقه صحبت ائيله‌مك بيجادي درماندان
چاپانماز داغلاري فرهادلر، گر اولماسا شيرين،
اولانماز بولبول آيري، قونچادان، گول‌دن،گولوستاندان.
دئيين مجنونلاري بند ایله تهدید ائيله‌ين بيلسين
مگر آزاد اولار ديوانه‌لر زنجير و زينداندان؟!
حديث عشق‌ده وار بير يامان درد آيريليق دردي؛
يئتيشسه شمعه پروانه، دوشر فرياد و افغاندان
بو آيريلميشلارا هر كيم وصالين مژده‌سين وئرسه
وئررلر موشتولوق جاني، قيصاص آلماقدا هيجراندان.
یک پاسخ
ائل شاعیریمیز میرزه شهرکه آللاهدان اوزون و برکتلی عؤمور دیله ییرم.
بو گؤزل سایتی یولا سالدیغینیز اوچون ده ساغ اولون.