او قیز منی گئییندی
چئویرن: رامین جهانگیرزاده
ترجمه: رامین جهانگیرزاده
رامین جهانگیرزاده
00:00
00:00

من چیخارتدیم اؤزومو
او قیز منی گئییندی
دئدی نه یئکه‌لیبسن
ایچیمده هئی دئییندی

دئدیم یئکه اؤزونسن
ساچلارینا ال آتدیم
ووردوم بیر بیرینه من
ساچ ماچینی تئز قاتدیم

دایانمادی یئرینده
او دا توتدو توکومدن
بالاجا اللریله
یولدو قوپارتدی دن دن

بو قالماقال ایچینده
بیر قورباغا سسلندی
قورولدادی اوخودو
اوزرکن هوسلندی

او قیز منی چیخارتدی
بیردن قاییتدیم دالی
من ده بالاجا اولدوم
بوشلادیق قالماقالی

ایندی بیز دوست اولموشوق
اویناییب گولوشوروک
گاه گؤیلره اوچوروق
گاه دا گؤیدن دوشوروک
۱۳۹۵/۰۵/۰۱

اشتراک گذاری در print
چاپ
اوخوماق زامانی: < 1 دقیقه
اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
باشقا اثرلری

او قیز منی گئییندی

رامین جهانگیرزاده
www.ishiq.net

آذربایجان ادبیات و اینجه‌صنعت سایتی