چئویرن: ایشیق
ترجمه: ایشیق
ایشیق

sayyad ziyadpoor
توخونما سؤزومه
صیاد زیادپور

قلینجدان کسرلی دئیبلر سؤزو
توخونما سؤزومه توخونما منیم!
دؤیوشه من سؤزله چیخیرام دوزو
توخونما سؤزومه توخونما منیم!

سؤزوم سطیر- سطیر، واراق- واراقدی
هر واراق اؤزو بیر سیردی، سوراقدی
مندن سونرالاردا هئی قالاجاقدی
توخونما سؤزومه توخونما منیم!

بابالاردان قالان ایرثیمدی منیم
ادبیم، کامالیم، درسیمدی منیم
آجیغیم، غضبیم، حیرصیمدی منیم
توخونما سؤزومه توخونما منیم!

های وورسام دلی‌لر تؤکولر گلر
باغلی بند- بره‌لر سؤکولر گلر
پاشالارین بئلی بوکولر گلر
توخونما سؤزومه توخونما منیم

پرده لر قوینوندا گزن الیمدی
کؤنول‌لر اوخشایان اینجه تئلیمدی
شیرین لای لا چالان آنا دیلیمدی
توخونما سؤزومه توخونما منیم!

کرمی، دیلقمی چالان سازیمدی
عشقیم، محببتیم آلین یازیمدی
عؤمرومه، گونومه هر آن لازیمدی
توخونما سؤزومه توخونما منیم!

هاردا قولو اولدوم سؤزلو دونیامین
اوردا شیرین دویدوم عؤمرومون تامین
«صیاد»ییام حقدن گلن ایلهامین
توخونما سؤزومه توخونما منیم!

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

توخونما سؤزومه / صیاد زیادپور

ایشیق
www.ishiq.net

آذربایجان ادبیات و اینجه‌صنعت سایتی

توخونما سؤزومه / صیاد زیادپور

ایشیق
www.ishiq.net

آذربایجان ادبیات و اینجه‌صنعت سایتی

توخونما سؤزومه / صیاد زیادپور

ایشیق
www.ishiq.net

آذربایجان ادبیات و اینجه‌صنعت سایتی