من کؤچمم
تورکیش محمد طوزلو (عراق)
کؤچن کؤچسون، من کؤچمم
تؤکولسه قانیم دوزدا
چونکو قوربان ویرمیشم
بو شیرین جانیم دوزدا
درتلی‌یم ، یارالییام
بولدوم درمانیم دوزدا
قویون شرفله گـیـچـسین
آخر زمانیم دوزدا
کؤچن کؤچسون، من کؤچمم
تؤکولسه قانیم دوزدا
راضی‌یام أریـیـم من
راضی‌یام یانیم دوزدا
چونکو باشیم یوکسکتی
شرفیم شانیم دوزدا
قویمارام کوسکو آچیغ
گیزسـیـن دوشمانم دوزدا
گیزدیررم باش اوستونده
قیلینـچ قالخانیم دوزدا
کؤچن کؤچسون، من کؤچمم
تؤکولسه قانیم دوزدا
دوشمانا قارشى دوررام
قوررام میدانیم دوزدا
گنجلری ایـگـیـدتـیـلر
چوخ وار آصلانیم دوزدا
آل قانا بله‌نـیـبـتـی
یـیـرم آسمانیم دوزدا
کؤچن کؤچسون، من کؤچمم
تؤکولسه قانیم دوزدا
قورتلار آلیب یانـیـمیز
تؤکولدو آل قانـیـمیز
ها زامان گؤزون آچـار
سـیـلـکـیـنـی آصلانـیـمـز ؟
ها زامان بولوت گیده‌ر
صاف أولو آسمانـیـمـز ؟
ها زامان دوران دؤنر
سوره‌رغ دورانـیـمـز ؟
ها زامان ظـهور أیده‌ر
صـاحـبـی زمانـیـمـز ؟
کؤچن کؤچسون، من کؤچمم
تؤکولسه قانیم دوزدا
