اؤلوم!
زینب فرجی

ساعات بئشده دونیایا گلنده
منی، شیرین یوخویا قویما
ایستیرم قوجاقلایام،
اؤپم
هردن یول‌لایام مدرسه‌یه
گاهدان بؤیوک کیشی اولاندا
آپارام یونیوئرسیته‌یه
اؤلوم ساعات بئشده…
باغیشلایین آغا
سیز گونشین چیخان چاغی‌سیز؟
یوخسا گونشین باتان چاغی؟!
دئیه بیلرسیز
دیازپام حب‌لرینی
تؤکسک قارنیمیزا
نه قدر آغلارسیز؟!
نه قدر گولومسرسیز؟!
باغیشلایین آغا!
بیر مئتیر وئرسم الینیزه
خیاوانلاری اؤلچمه‌یه
قول – قانادسیزام
بو آپارتمان اولوب یووام
باغیشلایین
آت‌لاری سالمیشام قفسه
آخی آزادلیق
شیرین سؤزوموش
سئوگیلیمین دیل – دوداغیندا
اؤلوم‌له یاتمیشام
آسفالتین اوستونده
تانری باغیشلایاندا آنامی.