اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

arshad-nazari-300x200
گؤره‌سن …؟
ارشد نظری

یام یاشیل مئشه‌لر، آلمالی باغ‌لار
دورنا گؤز بولاق‌لار، چیچکلی داغ‌لار
سه‌ییرَن کهلیکلر، گؤزل سونالار
گؤره‌سن واریمیش یا هئچ یوخوموش؟

سس‌سیز دره‌لرده بیتن بنؤوشه
قونچه‌لر آچیلا اوزلر گولوشه
اوشاق‌لار اوینایان دووارسیز مئشه
گؤره‌سن واریمیش یا هئچ یوخوموش؟

بیری بیرین سئومک پولسوز- پاراسیز
شاققا چالیب گولمک دردسیز، یاراسیز
آرخایین یاشاماق سؤزسوز قاراسیز
گؤره‌سن واریمیش یا هئچ یوخوموش؟

داغین زیروه‌سینده آغلایا گؤزه
قایادان گؤموشو شلاله سوزه
قارانلیق گئجه‌لر چاتا گوندوزه
گؤره‌سن واریمیش یا هئچ یوخوموش؟

گئجه‌لر یوخودا آغ آتا مینمک
قاپی دؤیولنده اورک سئوینمک
سازیلان سؤزولن ائلی دیندیرمک
گؤره‌سن واریمیش یا هئچ یوخوموش؟

گولردی قیز- اوغلان بو گئجه توی وار
اوره‌ک‌دن سیلینیب گئدردی قوبار
بیرده او مهربان ال‌لر، خینالار
گؤره‌سن واریمیش یا هئچ یوخوموش؟

دویون‌لر آچیلا دوس‌لار الیله
قونشو قونشوسونون دیلیله گوله
باجینی گؤرمه‌یه قارداش‌لار گله
گؤره‌سن واریمیش یا هئچ یوخوموش؟

تارلالاردا سوزه‌ن تئللی توراغای
هریانا باخسایدین بولاغیدی، چای
کندین آخشام چاغی قیز- اوغلان های- های
گؤره‌سن واریمیش یا هئچ یوخوموش؟

به‌ی اؤز قورشاغینا سؤزون باغلایا
قاینانا جاوابین دوزون باغلایا
گلین او قورشاغا اؤزون باغلایا
گؤره‌سن واریمیش یا هئچ یوخوموش؟

اشتراک گذاری در print
چاپ

یک پاسخ

  1. سلاملار:ساغولسونلار ارشد نظری جنابلاری همه شه کی کیم گؤزل و اوره یه یاتان. یاخینلیقدا شعیر کیتابلاری چیخسا آرتیقراق فایدالاناریق

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *