اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

riyahifar
یاز گلیر
میرحسینقلی ریاحی‌فر(سیّد)

بایرام آیینداییق بوزلار سارالیر،
تورپاق اویانیبدیر یاشیل یاز گلیر.
قویون، قوزو سسی چؤلو بورویوب
عاشیغین دؤشونده تئللی ساز گلیر.

تزه‌لَنر بایرام آیی دیلک‌لر،
الوان دونلو باغدا گولر چیچک‌لر،
ائوین توزون آلار گؤزل بیلک‌لر،
گؤلون گؤروشونه اؤردک، قاز گلیر.

کهلیک‌لَنر بایرام آیی قایالار،
اوخونار بو آیدا دوزلو سایالار،
تکه رقصه گلر، گولر مایالار،
قاپیلارا کوسا، گلین ناز گلیر.

بو آیدا ییغیلار چؤلدن قانقال‌لار،
قورولار هر یئرده یئکه تونقال‌لار،
کؤزلری قوینونا آلار مانقال‌لار،
بو مجلیسه هر کیم گلسه ساز گلیر.

«سیّد» سیزه دئییر تاغلی آغالار،‍
ویلالی آغالار، باغلی آغلار!
بایرام گلیر جیبی یاغلی آغلار
ائوین خرجی چوخدور ، گلیر آز گلیر.

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *