سنی قیز !
واهاب حاجی‌زاده
ییخیلیب شعره دوشوب قافیه قاپسین سنی قیز
دوداغیندان یاپیشیب کلمه‌لر اؤپسون سنی قیز
سن سیزاسیون گئچیریب داندی دینی یوردوم دا
تانری اول تانریچا اول، گل سنی تاپسین سنی قیز
بو اوره‌ک اؤفکه سنین سنده سندلندیردیم
مؤهرونو آل دوداغیندان، نئجه قوپسون سنی قیز
آفریقانی یاشاییر دار داماغیم دارما داغین
دادینی توپلا گتیر، ایسته‌ییر هوپسون سنی قیز
یاریم اولدون نه یارار توم منیم اول بوس-بوتونوم
گؤزوم اول من گؤز اولوم جیسمیمه قیپسین سنی قیز
آی ایتیک جان جان آلان شئعره جالاندا ردیف اول
سنی هئی هئی ایتیریب بیر داها تاپسین سنی قیز
