چئویرن: ایشیق
ترجمه: ایشیق
ایشیق

masoom jabarpoor
باخسانا
معصوم جبارپور

باخسانا:
نوروز گولو مور پالتارلارین گئییب…

کسین
سئوگیمیزی بیریسی قارقیدی
هیجانین آخیمیندا
درین بیر سس‌سیزلییه بوغولدو ایکیلی‌ییمیز!
ساده‌جه
بیر آیاق ایزی
بیر دامجی یاش
اوره‌کلرین قارانلیغیندا جینگیلده‌ییر!
دیکسینمه قارتالیم
کیپریکلریمی یاواشجا یوماجاغام بو دونیایا…
باخسانا
نوروز گولو مور پالتارلارین گئییب
گل
اللریمی چلنگ‌لرایله بزه
ائویمیز باهار قوخویونجا _
سورتوک بیر قیش اوره‌ییمده دیشلرین آغاردیر
گونشه مئیدان اوخویان اوره‌ییم دونور _
بوز باغلاییر _
سن چرچئوه‌نین سویوق جاماکیسین‌دان_
دوداق- دوداق گولوجوک سپه‌له‌یینجه_
یالقیز اوتاغیمیزا.
نه اولور گل باغرینا باس منی!
ایندیسه
فاجیعه‌نین اورتاسیندایام
یابانجی سس‌لر سس‌له‌نیر
نئچه بئله بایراملار گؤره‌سن!
هانسی دیلده دئمه‌لیییم “ایسته‌میرم”
سنسیز بایرام دا ، لئش قوخویور
جومدوقجا چرچئوه‌یه _
قاچماق ایسته‌ییرم
ائودن،
شه‌هردن
قالابالیق خیاوانلاردان
سنسیز تبریزده داها بوغور منی!
ایچیمده‌کی کپنک اوچماق ایسته‌ییر
گلیب بیر آغ قارا داشین دیبینده دینجلمک ایسته‌ییر
تؤوشه‌مک‌لریمی ائشیدیرسن‌می؟
قانادلاریم یورقون،
خاللی قانادلاریمدا باهاری گتیرمیشم
گل
باهارین یوکون آل قانادلاریمدان
بیلیرسن‌می؟
یوخلوغون بیر کابوس
کیملریله
نه ایله
پایلاندین!
یوخلوغونا اینانمالییام گل لپه‌لن کؤکسومده دالغا یارات،
قوی دنلنسین گؤز یاشلاریملا لپه‌جیک‌لر
قورخورام
دامجی- دامجی یاشلار سنی کؤکسومدن آییرارسا؟!
دنیزین یولونو بیلیرسن‌می ؟
ایتیریلمیش ائدیر سنسه؟
قومساللیق یئتیم قالار!
… یئنه ایلین سونوجو
یئنه یانلیزلیق
هاچان باغچامیزدا آرزو گوللریم تومورجوقلاناجاق؟
بیلیرسن‌می؟

سئوگینین یووارلیق‌لارینی سنده دویون ویردیم
ایللردی بوغدالارین ساچلارینی دویون سالمارام!
باخسانا
داها
شاختا وورموش بیر اور‌ه‌کدن هئچ بکله‌نه بیلمز …

چاپ

یک پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

باخسانا / معصوم جبارپور

ایشیق
www.ishiq.net

آذربایجان ادبیات و اینجه‌صنعت سایتی

باخسانا / معصوم جبارپور

ایشیق
www.ishiq.net

آذربایجان ادبیات و اینجه‌صنعت سایتی

باخسانا / معصوم جبارپور

ایشیق
www.ishiq.net

آذربایجان ادبیات و اینجه‌صنعت سایتی