بیر قیشقیرتی …
بهروز اسماعیل زاده

بیر قیشقیرتی چالدی ایچیمده
بیر قیشقیز یئریکله‌دی منی
قولاغلاریمدا آمبولانس قیرمیزی‌یا چالدی
اللریم
بیر جینازه‌یه تخت اولدو
قوینومدا بیر سئرچه
سئییرجی قالدی سیملرین سسلوتدویونده
جئبلریمده گزدیردیییم سؤزجوک‌لرین سیانور قوخوسو
شهرین خیابانلارینی سسسیزجه گیجه‌له‌نیردی
گؤزلریم
بیر آپارتمانا سویا گئتمیش
قاپیسینی قاپاتمامیش‌دی
یا اوندان سونرا؟
اوندان سونرا
شهر
شپه‌سی گؤزلرینده دونموش بیر شاعیرین گؤوده‌سینده
شئه‌له‌نیردی