کیتابسیز شاعیر
مسعود اسلامی

من گونلری ساییرام، گونلر منی
هر یئر اولور اولسون
جیبیمده بیر اوووج وطن تورپاغی وار!
قیسا بیر شئعیر،
منی تانیمییان یاخشی تانیییر!
دیلی دمیرلی کیتابسیز شاعیرم
کیتابلاریمی، یازیلمامیش شعرلریمده
اوخویا بیلرسیز
میصرع‌لریم کتان دئییل
سویا گئتسین!
سوپور،
سوپوره بیلمز کلمه‌لریمی!
یول نه قده‌ر اوزون اولسادا
سؤزلریمی داشییان قاتارلار
یورولمازلار
یازیلمامیش رومانلاریمی
باسدیریلمامیش کیتابلاریمدا
اوخویا بیلرسیز!
من،
او کیتابسیز،
شاعیرم
کی،…