چئویرن: ایشیق
ترجمه: ایشیق
ایشیق

simzari
آتا
محمد سیمزاری

(بیر)
مکتبخانادا
اول درسی اوخودوق:
آتا
ایکینجی درس‌ده اؤرگشدیک:
آتا چؤره‌ک وئردی
آنجاق
قابار درسینی
هیچ واقت اوخومادیق
آخی قابارلار، یارسا سایاغی
تکجه گئجه سیزیلداییردیلار

(ایکی)
آنام دئییردی
آتان لاتیدی
آخی من اؤزگه قیزی اولا- اولا
منیم دالیما دوشوردو
من اینانا بیلمیردیم
آنجاق
آنامین آیاغی‌نین آلتینداکی جننتین دامی دلیننده
یئنه ده آتام
بالالارینی گؤرمه‌دن
ائله هامان اؤزگه قیزی‌نین دالینا دوشه‌ره‌ک
چایلارین کؤلگه‌سیله بئله گئتدی

(اوچ)
ائله بیلیرلر
ائویمین دیوارینا
آتامین شکیلینی آسمیشام
بیلمیرلر کی
بوتون ائویم
آتامین جانسیز شکیلینه سؤیکه ‌نه‌رک
آیاق اوسته دوروب

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

آتا / محمد سیمزاری

ایشیق
www.ishiq.net

آذربایجان ادبیات و اینجه‌صنعت سایتی

آتا / محمد سیمزاری

ایشیق
www.ishiq.net

آذربایجان ادبیات و اینجه‌صنعت سایتی

آتا / محمد سیمزاری

ایشیق
www.ishiq.net

آذربایجان ادبیات و اینجه‌صنعت سایتی