اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

simzari
آتا
محمد سیمزاری

(بیر)
مکتبخانادا
اول درسی اوخودوق:
آتا
ایکینجی درس‌ده اؤرگشدیک:
آتا چؤره‌ک وئردی
آنجاق
قابار درسینی
هیچ واقت اوخومادیق
آخی قابارلار، یارسا سایاغی
تکجه گئجه سیزیلداییردیلار

(ایکی)
آنام دئییردی
آتان لاتیدی
آخی من اؤزگه قیزی اولا- اولا
منیم دالیما دوشوردو
من اینانا بیلمیردیم
آنجاق
آنامین آیاغی‌نین آلتینداکی جننتین دامی دلیننده
یئنه ده آتام
بالالارینی گؤرمه‌دن
ائله هامان اؤزگه قیزی‌نین دالینا دوشه‌ره‌ک
چایلارین کؤلگه‌سیله بئله گئتدی

(اوچ)
ائله بیلیرلر
ائویمین دیوارینا
آتامین شکیلینی آسمیشام
بیلمیرلر کی
بوتون ائویم
آتامین جانسیز شکیلینه سؤیکه ‌نه‌رک
آیاق اوسته دوروب

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *