چئویرن: ایشیق
ترجمه: ایشیق
ایشیق
00:00
00:00

sattar

اوزونو گؤرمه‌میشم کی!
ستار گل‌محمدی

ایللردیر وصلینه جان آتسام دا من
هله هئچ اوزونو گؤرمه‌میشم کی!
درمان اوچون هیجران ووران یاراما
باغیندان بیر چیچک درمه‌میشم کی!

فیرقتیندن دردیم چاتیب یوز یوزه
قویما منی حسرتینده غم اوزه
قارداش دئیه بیر دایانیب اوز اوزه
قولومو بوینونا هؤرمه‌میشم کی!

آهیم توتار اؤتن عؤمرون جهدینی
عاشیق اولان اونودارمی عهدینی
دوداغیملا ووصال دملی شهدینی
شکر دوداغیندان سورمامیشام کی!

«ستار» دؤزر قیش قهرینه یاز کیمی
چاغلار عشقین سینه‌م اوسته ساز کیمی
هله بو سینه‌می پای‌انداز کیمی
گلن یوللارینا سرمه‌میشم کی!

چاپ

دیدگاهتان را بنویسید

نشانی ایمیل شما منتشر نخواهد شد.

اوزونو گؤرمه‌میشم کی! / ستار گل‌محمدی

ایشیق
www.ishiq.net

آذربایجان ادبیات و اینجه‌صنعت سایتی

اوزونو گؤرمه‌میشم کی! / ستار گل‌محمدی

ایشیق
www.ishiq.net

آذربایجان ادبیات و اینجه‌صنعت سایتی

اوزونو گؤرمه‌میشم کی! / ستار گل‌محمدی

ایشیق
www.ishiq.net

آذربایجان ادبیات و اینجه‌صنعت سایتی