شعر
مسعود اسلامی
نه جور دوشونورسن شعر دئییل
دوشونه بیلمه‌دیکلریندیر شعرلر
سن اوردا لابی‌لارین اسیری
من بوردا
دوشونجه‌لرین،
بو شعرین سونو دهشت‌دیر دوستوم!
یاز، سطیرلری قارالت…
آغ صایفالار قارا گونلری داشیییر
یاز، قارالسین کاغازلارین سینه‌سی
شعر دوغولسون فیکیریمین شعالاریندان
تانری‌دان شاعیر چیخماز…
باتیم‌دان بادیمجان،
یاز، جانیم قارالسین، جان تاپسین شعرلریم
کلمه‌لرقووالا قاشدی اویناسینلار
قلمیم اینتیحار ائله‌سین…
یاز شعرلر باغیرسینلار
بوردا بیر قلم داردا قالیب باغیریر!
سن بیر یول شعر یازیبسان
من مین ایلدی شعر یازیلیرام
یازشعرلرینی…
یاز
گنج‌لر بارماقلاریمی اوخوسونلار،
شاعیرلر اللریمی.
