چئویرن: ایشیق
ترجمه: ایشیق
ایشیق
00:00
00:00

vahid-forutan
سؤز یاشادانلار…
وحید فروتن

اؤزو قالماسادا آدی یاشایار،
اؤزوندن ایز قویوب ایز یاشادانلار.
تاریخین اوزونه مؤهور باسیلیر
بیر اوزو گولدوروب ،اوز یاشادانلار.

زامانین گؤزوندن یایینماز بیری،
دوز اوغلو دوز اولسون یادا کی ایری.
پیغمبر دئمیشکن جننت‌دیر یئری
گلین‌لر کؤچوردوب قیز یاشادانلار.

حسرت‌دیر، کدر‌دیر قلبی اریدیر،
یئنه ده اوره‌کلر دردین یئریدیر.
دونیانین اودودور ، حرارتی‌دیر
سینه‌سی اوستونده کؤز یاشادانلار.

تورپاقدا گزسه‌ده مله‌یه بنزر.
خالقینی یاشادیب اؤزونو ازر.
دیللرده دولاشار، سؤزلرده گزر
سؤزه حؤرمت ائدیب، سؤز یاشادانلار…

چاپ

دیدگاهتان را بنویسید

نشانی ایمیل شما منتشر نخواهد شد.

سؤز یاشادانلار… / وحید فروتن

ایشیق
www.ishiq.net

آذربایجان ادبیات و اینجه‌صنعت سایتی

سؤز یاشادانلار… / وحید فروتن

ایشیق
www.ishiq.net

آذربایجان ادبیات و اینجه‌صنعت سایتی

سؤز یاشادانلار… / وحید فروتن

ایشیق
www.ishiq.net

آذربایجان ادبیات و اینجه‌صنعت سایتی