آی بابا / وحید فروتن
چئویرن: ایشیق
ترجمه: ایشیق
ایشیق
00:00
00:00

vahid forutan
آی بابا
وحید فروتن
پروفسور ذهتابی‌نین خاطیره‌سینه

درده دؤزر چکه- چکه دردلی‌لر
“تئز تانییار درد چکنی دردلی‌لر”
درد چکنه درد اوستوندن درد وئرر
قیسمته باخ – قیسمته باخ آی بابا!

چیینیمیزده اؤزگه یوکو شله‌دی
بئله‌دی کی عؤمور بویو بئله‌دی
نر اوغول وار، یاد قاپییا کؤله‌دی
شؤهرته باخ- شؤهرته باخ آی بابا!

اؤز ایچینه اؤز ایچینده سیخیلان
اؤز ساپیندان دوغما کؤکو ییخیلان
اؤز دیلیمدی اؤز آغزیمدا بوغولان
حسرته باخ- حسرته باخ آی بابا!

حالیمیزا کیم آغلادی، اوزولدو
اوزولنلر آیاق آلتدا ازیلدی
اؤز خالقینی ازنلر وار اؤدوللو
میللته باخ- میللته باخ آی بابا…!

اشتراک گذاری در print
چاپ
اوخوماق زامانی: < 1 دقیقه
اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email

آی بابا / وحید فروتن

ایشیق
www.ishiq.net

آذربایجان ادبیات و اینجه‌صنعت سایتی