دونیا
وحید فروتن
دونیا آدامدان دولو،
بیر بوش یئری گؤرونمور.
دونیا سئوینجدن دولو،
تک خوش یئری گؤرونمور.
دونیا پایلانیب بئله،
هره‌نین اؤز پایی وار.
آدامین آدام پایی،
شاعیرین سؤز پایی وار.
دونیانین آغلاماغی،
گولمه‌یی ده گؤزل‌دیر.
بوردا یاشاماق قده‌ر ،
اؤلمه‌یی ده گؤزل‌دیر.
آنالاری خرجله‌دیک،
بو دونیایا گلمه‌یه.
بو گلیش ده ده‌یرمیش،
بیرجه کره اؤلمه‌یه…
6 پاسخ
سلاملار و سایقیلار … کیان خیاو آدیله کی توش گلدیم اوز تخلصومون مشابهی نی گوردوکجه ماراقلاندیم و وبیزده چوخلو گزیشیب بهره لر آپاردیم سیزی یاشیاسیز … اورگیز ایسته ر سه منیم ده وبیمه باش چکیز و یول گورسدیز … بوللو احترامیله کیان
انشاا… کی، تئزلیک له گؤروشه ریک.
ساغولون دوستلاریم بوتون دوستلارلا.
ساغول یانار موعللیم سسینی ائشیتمه یه چوخ تله سیرم…
چوخ ساغ اول شاعیر…
چوخ اعلاء وحید بئی. جانین ساغ ، ایشلرین آواند قلمین یازار اولسون