اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: فریبا مرتضایی
ترجمه: فریبا مرتضایی
فریبا مرتضایی
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

fariba mortazai
قیسا شعرلر(۱۷)
فریبا مرتضایی

(۱)

ندن یاشاییرام
سوروشان یوخ
گئتسم ؛یئریم یوخ
قالسام؛ یوخلایان یوخ
سئوسم؛
ییخیلمیش اوره‌ییمی
قالدیران یوخ
دئمک من اؤلموشم
گؤزلریمی باغلایان یوخ

(۲)

یوخسول منم
سن اولمایاندا؛
دؤن گل
آووجلاریمین یئرینه
اوره‌ییم آچیلسین!

(۳)

ییخیلدیم
دوشدوم خومار گؤزلریندن
دالغا
دالغا
دالغالی باخیشلاردان
ایندی بوردایا
باخ،
گؤیک‌لرده
ماوی
ماوی
ماوی‌دیر اؤلوموم
بو قارا ندیر آیین باشیندا؟!

(۴)

بیر باخیشین
مین دؤر کیتابدیر
دؤر دؤر باخیشینی چیخمیشام

(۵)

نه ایپه گلدین، نه ساپا
من
ایپ‌ده اولدوم ساپ‌دا
اوزاندیم
اوره‌یینده اوزولدوم

(۶)

سن‌ده سئویرسن…
چئویر اوزونو
سن منیم گولومسن
نئجه دئییم
باغدا دئییلسن

اشتراک گذاری در print
چاپ

یک پاسخ

  1. سلام عزیز و حؤرمتلی شاعیریمیز خانیم مرتضایی، قیسا آما چوخ دیرین دویغولار و دوشونجه لر ایچینده اولان شعرلرینیز هر زامان کیمی قالیجی بیر چیزگیده یول آلماقدادیر…سیزه اوره کدن داها گؤزل و آنلاملی باشاریلار و اوغورلار آرزولاییرام. یاشییاسیز.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *