اسیرم اسیر اسیر …
کامیل قهرمان اوغلو
اسیرم اسیر اسیر اسینتیده
زاغ، زاغدا منی اسیر
منده زاغ ، زاغی اسیرم
اسیرم
اسیر اسیر کولکلریده
کولکلر هئچ بیر زادا اسمه‌دن،
منی اسیر
نه زاغی اسیرم زاغدا اسیر، اسیر
ن…ه کولکلری اسیرم اسینتیلره
… آمما اسیرم
اسیرم بئینیمه بیر شئییی
شئییی فیکریمه
فیکریمی شئییه
دالاجاق بیر دالیقلاری دالیرام دالیما
دالاقیمدا دالاییر دالیمی بیر دالیق، آ…ه …
دالاقیمدا اسیر منی سرطان بیر رومانتیزمه
رومانتیزمیده
میتالیک قیزجیقاز آرواد
مونولوق بیر شعیر
شعیر بیر مونولوق
نه شاعیر اسیر شعیری بورادا
نه شعیر اسیر شاعیری
ماتا قالیب دوشموشم بو اسیرلییی
هه … قالماق دوشمکدیر
دوشمکده قالیقین قالیقیندا قالیش کیمی قالماق
بوشلایین منی
بوشایین اوزومه
قالیق کیمی گلیم سیزی
گلیم سیزی بو شعیرین گوورمیش اوزونه
بو شعیرین ۴۳ ایللیینده کؤرپه‌لیی
بو شعیرین لئشلییینده دوعرانمیش کوچه‌لرییییییییی
باشی قولتوقوندا مونولوقو
… بوشلا اده .. .
نه من گلیرم سیزی
نه ده سیز منی قالین
کامیل دا قوتار بوووووو بو شعری…
