سنسیز
ح. هریزلی
سینه‌مین داغلارینا چؤکدو یامان دن سنسیز
قارا ساچلاریما دوشدو گؤزه‌لیم،چن سنسیز
توکه‌نیبدیر دؤزوموم دوشمه‌ده سندن آرالی
سپه‌رم حسرتی کؤنلوم قوشونا دن سنسیز
آیریلیق قویدو تامارزی ووصالین نشعه‌سینه
کدریم، نیسگیلیم آرتار گونی-گوندن سنسیز
آیریلیق دردینه درمان دئدیلر دؤزمک‌دیر
دؤزه بیلمم، دؤزه بیلمم نه ائدیم من، سنسیز
قاناد آچدیقدا خیالیندا دالار آرزی قوشو-
خولیالار عالمینی سئیره چیخارکن سنسیز
قانه دؤنموش اوره ییم سینه‌ده داییم سیزلار
یوغرولوب غمله اولانمیر عزیزیم شن سنسیز
اولدو فیرقتده «هریزلی» سینه‌سی چار-چارپاز
سینه‌مین داغلارینا چؤکدو دومان چن سنسیز
یک پاسخ
سلاملار
استاد هریزلی نین شعرلری بیربیریندن گؤزلدی اللرینه ساغلیق
ایشیق دا بونو ن امه یی اولان هر کسه تشکگور ایله ییرم گؤزل سئچیم لر ایچون