گؤیلر اؤز ایچینده پاتلاییر
مسعود اسلامی
گؤیلر اؤز ایچینده پاتلاییر
سن اؤز ایچینده؛
الینی چک اورییمدن …!
قیشقیریر آغاجلار، هورکوشور داشلار
دنیز اؤز اؤزونو یاندیریر
دونیا هامینی؛
اود یاندیران اود ایچینده!
اوکیان کول اولور، داغ – داش کوللوک
چک الینی تانرینین یاخاسیندان!
بو داغ،
او داغ دئییل، هرشئی بیر قیرمیزی آلما
بورا سون دوراق‌دیر
سن،
بیر آلما قوردو!
ذیروه دنیزی یئییر، دنیر ذیروه‌نی
آغ قارا فرق ائله‌مز قیرمیزی ؛
آللاهین بوینوزو یوخدو
ساخلا سئوگینی اووجوندا!
یئر یئرین قارنیندا، هر یئر ناققانین
چک الینی شئیطانین الیندن
یاپیشما …
و مکروا و مکرالله والله خیرالماکرین؛
بیر گون سنه ده چاتاجاق بیر پای
اینسان تانرینین سئوگیسی‌دیر
سئویشمه‌یین اوجو بوجاغی یوخ
دونیا بیرایستکان اینتیحار…
چک باشینا قورتار !
بو شئعیر سئوگییه سونولور
قورویاجاق قویولاری عؤمورون
سو سودا یاناجاق
بارماغین،
ماشادا!
