ایچیمده فیرتینا قوپاجاق
سحر بارانی
شهرین بوتون آغاجلاری
آنا دییه باغیریرلار ازبرلرینی
و قان قوسور
آغیزلارا چارمیخلانان
تاختا دیللر
ایچیمده
قاسیرغالارا دؤللنمیش
بیر عصیان اویانیر
کول آلتی دویغولارینی
و
آنامین
قیزیم چاغیران قایغیلاری ایسلانیر گؤزلرینده…
کؤرپه تانریچالار
سوت پایلارینی باغیشلایاراق قوتسال دوزلاقلارا
اووج اووج
توپراق آرتاجاق شهرین سینیرلاریندا
و باسدیراجاق
کور اولاسی قیسقانج باخیشلاری
و سن
ساده‌جه سن
یاشایاجاقسان
مین ایللر بویلو آبیده‌لرین
غرورلو باخیشلاریندا
و
آنام,
دان
پای
وئرمم
دییه
اوجالان قانداللی کلمه‌لرده
ساده‌جه سن
یاشا…..!
