قیرخ آیاقلی حسرت
سولماز صادقزاده نصرآبادی
(حمید آرش‌ین خاطیره‌سینه)
گؤره‌سن قاپینی آچیب
بیرده
گولدوره‌جکسن کوره باشیندا باشسیز کوچه‌لری؟
هوپور ایچیمه قیرخ آیاقلی بیر حسرت
شاققیلدا دیسکینسین ابزورد پنجره‌لر
قلبیمه گلیر تبریزین قاش قاباقلی ساحاتلاری
قورخونج گولوشلره
دالدالانیر اوتانقاج یارالار
آردیندا مه‌له‌ییر گوزه‌لر
اوخشاما
آغاجلارین ساتیریک ساچلارین
رمکه‌یه سالاراق
بولوت‌لارین ناغیلیندا
سایاغلاییر.
سن‌ایسه
بارماقلاریندان اییردین یئنی “هوپ هوپ نامه”
من‌ایسه
بوشلوقوندا
گولومسه‌ین یاسی گؤردوم
آ…ه آنامین اوچمایان سئرچه‌لره
اوچان بالاسی
اؤلومو گولدوروب
قول قولا گئتدیز…
