ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

kabiri_2
شعرلر
رقیه کبیری

۱٫ قادینلیقدان یازماق

اورمانلار کاغیذ اولورسا
دریالار مرکّب
مئشه‌لر قلم
قادینلیقدان یازماق
آغ دئو، قارا دئو، آلا دئوین سرحدّیندن سووشوب،
نارِ کوهندام
مرغِ زوهندام قوشلارینا چاتماق کیمی‌دیر…
خرداد ۱۳۹۴

۲٫ شاه گؤلو…

شاه گؤلو آتلاز عطیریندن بوشالیب،
یاراشیقلی دونونو دَییشیب
رنگه بویانیب
گؤل،
دوداق بوزوب، دالغالانمیر سحر یئلینه
قارقالار دیل‌سیز- داماقسیز
گیج بئیین یاکریم‌لر بئله هویوخوب
چاش باش قالمیش سئرچه‌لر
بیلمیرلر هانسی عاشیقانه‌نی جیویلداسینلار عطیرسیز لاله‌لره
خاوراندا باسدیریلمیش،
سرحدّلرده تؤکولموش قاندان جوجرمه‌ییب
آغی، ساری‌سی، چوهرایی‌سی، قیرمیزیسی بئله
هُلند کیملییی‌دیر
پئیوند وورولوب تبریزه…

آتلاز‌سیز شاه‌گؤلو
نوستالژیامین نه کارینا گله‌جک!!!
خرداد- ۱۳۹۴

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *