روجا چمنکار
چئویرن: همت شهبازی
ترجمه: همت شهبازی
همت شهبازی
00:00
00:00

گمینین فیتی دنیزیمی یارالادی
و بو هله ایلک باشلانغیج ایدی
ائی گمیچی!
ایندی مندن
یالنیز یاشلی ساچلاریمی خاطیرلاییرسان
و چالار ساعاتیمی
زنگ چالمیر و ترپنیر
ترپنیر
ناققالار، بالینالار
ترپنیر
قایالارلا، سولارلا
ترپنیر
چیینلری و اللریله
ایلکَل۱ رققاصه
منیم گؤیرته‌م‌ده ایدی
ائی گمیچی!
بو اؤلونو منیم وارلیغیمدان چیخار
اسکی بیر یاشامین قوخوسو اورییمده پارتلاییر
و بوتون قورولوقلاریمی یاشاردیر
بورا قورخولو بیر یول بوروغودور قاییت!
بو بوزومتول ایستی سنین اوچون
منیم یاشاییشیمی اؤزونه باغلاماق اوچون
دونیا چوخ سویوق قانلی‌دیر
کورلادین ائی گمیچی!
سؤیله گؤرونمز بیر ایشیغی باشیمین اطرافینا چکسینلر
و منی اؤز بازاما قایتارسینلار
و یئلکن‌لری… یوخاری قالدیرسینلار
سؤیله!
قاییت!
سؤیله!
لؤوبر آتما!
لؤوبر آتارسانسا دنیزی اودلارام

اسکی بیر یارا ایله
بو اویون هله ده داوام ائده‌‌جک
اؤز رولونا داوام ائت
ائی گمیچی!
۱٫بَدوی

* شعرین اورژینال نوسخه‌سینی آشاغیداکی عنواندا اوخویا بیلرسینیز:
http://ketabeshear.com/march07/roja-chamankar.htm

روجا چمنکار
چاپ

دیدگاهتان را بنویسید

نشانی ایمیل شما منتشر نخواهد شد.

گمیچی

همت شهبازی
www.ishiq.net

آذربایجان ادبیات و اینجه‌صنعت سایتی

گمیچی

همت شهبازی
www.ishiq.net

آذربایجان ادبیات و اینجه‌صنعت سایتی

گمیچی

همت شهبازی
www.ishiq.net

آذربایجان ادبیات و اینجه‌صنعت سایتی