نارین سئوینجینده اؤلمک!
خسرو باقرپور
چئویرن: ائلدار موغانلی
ترجمه: ائلدار موغانلی
ائلدار موغانلی
00:00
00:00

من دانلاقلارینی ائشیتمکده دؤزوملویم؛
آییقلیغینی، کئفلی‌لیگینی دوشونمه‌دن!
کدرلرینی سیلمکده صبیرلی‌یم؛
و سئوینجدن اؤلورم
یاناقلارین نارین سئوینج رنگینه چالاندا.
من، سسی‌نین رنگینی دورولدان بیر کیچیک سئوینجله بئله قناعتله‌نیرم
و جانیم دولور گولوشونون خوش سسیندن.

من سوسماقدا صبیرلی‌یم؛
سس‌سیزلیکده؛
صبیرسیزلیکده؛
یانمیش قامیشلیقدا؛
و بیر یانیقلی نی ناله‌سی کیمی جوشمادان
دویوزدورورام سنی ماهنی‌نین دورو آخاریندان.

من آغاج کیمی؛
سن‌له،
صبیرلیلیک‌له؛
گؤی‌له و تورپاق‌لا
ابدی‌لیک باغلی‌یام؛
سنده دویونله‌ییرم آیریلیق‌لاری؛
و سنینله قیریرام شوبهه‌لری؛
و قاچیلماز بیر رؤیادا؛
سنین جانیندا اویورام
ائشیدیرسنمی؟ گؤرورسنمی اؤزونده ‌منیم ماجرالاریمی ؟!
قیش ۱٣۹٣

ایضاح: شعرین اورژینال نوسخه‌سینی آشاغیداکی آدرسده فارس دیلینده اوخوماق اولار.
http://naderschah1.sterc.tv/42624

خسرو باقرپور
اشتراک گذاری در print
چاپ
اوخوماق زامانی: < 1 دقیقه
اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
باشقا اثرلری

نارین سئوینجینده اؤلمک!

ائلدار موغانلی
www.ishiq.net

آذربایجان ادبیات و اینجه‌صنعت سایتی