چئویرن: رامین جهانگیرزاده
ترجمه: رامین جهانگیرزاده
رامین جهانگیرزاده
00:00
00:00


یومورتادان یون قیرخاندان سونرا
اوزاتدی قیچلارینی قویونلار
میخینی چالدی خوروزخانالاردا یالانچی چوبان
اولادی گؤزونده بیر نئچه جاناوار
رادیودان یئنه ده بیر خبر:
ـ توتدولار قارا قاشقا قویونو جاناوارلاری سویقیریم ائتدیی اوچون
آسانسوردا گیزلی بیر اؤپوشو اوغورلادیلار
دله دوزلار دللکلیک ائدنده یاخالاندیلار
آسترونومی باخیمیندان اولدوزلارین قویروغو
ننه جانین تومانیندا یئرله‌شیر
یاییلدی یالانچی چوبانین گؤزوندن جاناوارلار
اوشودو قویونلارین لوت جانی
نیهلیزمین سونو چاتمایاجاق آرتیق
قورویاجاق خوروزخانالاردا قویونلارین بوغازی
ایشه بیر باخ
یئتیشدی اللریمیزده کال دیرناقلاریمیز
دیرناقلارین آراسیندان دوشر بیر باتمان سؤز
ایشه بیر باخ
یئنه ده اوچوقلادی زامانین دوداقلاری
هر واختینیز خئییر عزیز اوخوجولار
بیچنکلرینیزدن بیچین آتدیغینیز گؤبه‌یینیزی
بو بیچیمده کئچی لرین ساققالیندان باشلانار یئنی فلسفه
آمان آللاه! آغزیمیزدان
میلچک اوچور نئیله‌یک
آمان آللاه! آمانیندان آمان تاپا بیلمه‌دیک
یامان یئرده بایکوت ائتدی بیزی قاپیلار
قاپیلار چوخ سارساقدیلار
قاپیلار ساریمساقدیلار
قاپیلار قورومساقدیلار
قاپیلارا نه دئسن یاراشار
قاپیلار باشدان، آیاقدان، گؤزدن، دیرناقدان و نه دن و ندن دئسن آشار…

چاپ

دیدگاهتان را بنویسید

نشانی ایمیل شما منتشر نخواهد شد.

یومورتادان یون قیرخاندان سونرا

رامین جهانگیرزاده
www.ishiq.net

آذربایجان ادبیات و اینجه‌صنعت سایتی

یومورتادان یون قیرخاندان سونرا

رامین جهانگیرزاده
www.ishiq.net

آذربایجان ادبیات و اینجه‌صنعت سایتی

یومورتادان یون قیرخاندان سونرا

رامین جهانگیرزاده
www.ishiq.net

آذربایجان ادبیات و اینجه‌صنعت سایتی