ابدی کؤز
مسعود آذر
تاریخ دن قدیم‌دیر آدیم…
چوخلاری دیل آچیب دانیشمادان،
قلم آلیب یازمیشام.
علوی آمال‌لاریمی
یارپاق – یارپاق بؤلوب
سازیمدا چالمیشام.
واراقلا تاریخی،
هر قاتیندا ایزیم وار،
سیلدیریم قایالارین سینه سینده
اوخونمامیش سؤزوم وار.
آتشگاه‌لاردا آلوولار
دونوب بوزلاسادا،
منیم کؤکسومده،
هله‌ده – هله‌ده
ابدی کؤزوم وار.
آذر ۱۳۷۶
یک پاسخ
آتشگاه‌لاردا آلوولار
دونوب بوزلاسادا،
منیم کؤکسومده،
هله‌ده – هله‌ده
ابدی کؤزوم وار.
ساغ اولسون شاعیر قارداشیمیزی.