چئویرن: ایشیق
ترجمه: ایشیق
ایشیق

eldar muganli
“سن منیم اؤزومسن”
ائلدار موغانلی

-“اؤزوندن موغایات اول!”- دئدین؛
سوزولدو پنجره‌مدن-
یاغیشلی گونلرین سوسغونلوغو؛
سریلدی سینه‌مه-
فاطما ننه‌نین توخودوغو.
پنجره‌م آیازلیغا قوووشدو؛
کؤورک باختیما بنوؤشه دوشدو؛
“بنؤوشه بنده دوشدو”…

-“اؤزوندن موغایات اول!”- دئدین؛
اوچوش جیزگی‌لرینی اوخشادی دؤیونتولریم،
دان یئری‌نین یاناقلارینی اؤپدو سحریم؛
دورنالارین اوچوشونا سپدیم “قیزیل آلما” توخومو،
عطرینه بویادیم واریمی، یوخومو؛
ایندی
دؤرد اللی قورویورام-
بنده دوشن بنؤوشه‌نی،
و اؤزوم اولان سنی.
آذر ۹۳- موغان

چاپ

6 پاسخ

  1. سایین ائلدار موعللیم، شئعرینین گؤزللییی منی دؤنه -دؤنه اؤز ایچینه آپاردی. شئعرین ده اؤزون کیمی قوناق سئور ایمیش. شئعرینین ائوینده ائله قوناقلاندیم کی، اؤز ائویم کیمی چیخماغیم گلمیردی. اؤزومده یاشادیردیم، اؤزوم اولان سنلرین آردیجیلیغینی، بنده دوشن بنؤوشه لرین خومار باخیشلاریندا.

  2. منده چوخ سئودیم . اوزون مدت ایدی کی بو تیپ سئوگی شعیری اوخوموردوم. بو بیزیم قاباقچیل شعیریمیزده، میللی نوستالوژیمیزی ده اؤزونده عکس ائتدیرن اوغورلو بیر اؤرنک دیر. ایستردیم گنجلیک ایللریمده یازدیغم بیر شعریمی ائلدار موعللیمه سونماقلا ، دویغو و موناسیبتیمی بیلدیرمیش اولام. (تهران – ائل اوغلو )

    سنسیز بیر انسانام‌ اوره‌گی‌ ایتمیش‌،
    گل‌ باری‌ بیر لیکده‌ آختاراق‌ منی‌.
    سنین‌ تئللرینه‌ کونلوم‌ ایلیشمیش‌،
    گل‌ باری‌ زنجیرده‌ قورتاراق‌ منی.‌

    نه‌ سن‌ موغایت‌ اول‌ نه‌ من‌ گوز- قولاق‌،
    هایانا گئدریسه‌ گئدسین‌ اوزوموز.
    آخی‌ بیر بیرینی‌ تاپاندان‌ سونرا،
    یئنه‌ اؤزوموز ایتریریک‌ بیز.

    ایتیب‌ کئده‌ جکدیر خیاللار کیمی‌،
    عؤمور یوللاریندا ناله‌ ده‌ ، سیزدا.
    گل‌ ایچک‌ سسینی‌ اؤتن‌ قوشلارین‌،
    باهار چیچکلنسین‌ بوغازیمیزدا …. ( ائل اوغلو )

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

“سن منیم اؤزومسن” / ائلدار موغانلی

ایشیق
www.ishiq.net

آذربایجان ادبیات و اینجه‌صنعت سایتی

“سن منیم اؤزومسن” / ائلدار موغانلی

ایشیق
www.ishiq.net

آذربایجان ادبیات و اینجه‌صنعت سایتی

“سن منیم اؤزومسن” / ائلدار موغانلی

ایشیق
www.ishiq.net

آذربایجان ادبیات و اینجه‌صنعت سایتی