اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: همت شهبازی
ترجمه: همت شهبازی
همت شهبازی
00:00
00:00

بو یازی‌نین صوتی نسخه‌سی حاضرلانماییب. بو یازی‌نی اؤز سسینیزله اوخویوب بیزه گؤندره بیلرسینیز.

احمد شاملو

او کی سئویرم دئییر
سسینی ایتیرمیش
اوزگون بیر اوزان‌دیر.
کئشکه
سئودانین دانیشماغا دیلی اولوردو
مین شن توراغایی
سنین گؤزلرینده
و مین سوسقون بولبول
منیم بوغازیمدا.
کئشکه
سئودانین دانیشماغا دیلی اولوردو
او کی سئویرم دئییر
آیلی گئجه‌نی آرایان
بیر کدرلی گئجه‌نین اوره‌یی‌دیر
کئشکه
سئودانین دانیشماغا دیلی اولوردو
گولوجوکلو مین گونش سنین اورکک سَه‌کیمه‌یینده
آغلار مین اولدوز
منیم ایسته‌ییمده.
کئشکه
سئودانین دانیشماغا دیلی اولوردو

بهاره رضایی

یاشاییشینا گؤتوردویون
بو سورعت
منی قورخودور.
اَییلدیم و اؤزومو سیندیرماغیمی گؤرمه‌دین.
بو اویونون
احتیاط اویونچوسو من ایدیم.
سن هر گون
گول (qol) ووروردون،
و جغرافیاسی سنه عایید اولان
تاریخین باشینا بیر گول (gül).
و بیر گول ده قیزیمیزین باشینا
غزل…
همیشه
مئیداندا سن اویناییردین
اویونون حاکیمی اولدوم
سنین خئیرینه فیت چالدیم
فیت چالدیم
قاتار گئتمیشدی
ایندی جرمه مئیدانچاسینا
یاخینلاشیرام
بیرآز دا یاخین گل!
گل!
ماوی دوزلو سویونون داش جین‌لری نین قوخوسونا قدر
چوخ سئودییم اوکئاندا
اوزوم من…
احتیاط زامانیندا
سن هئی پئنالت جرمه‌سی تعیین ائتدین
و جرمه کارتی
منیم پوشگومه دوشدو
و منیم ایلبیز داورانیشیم
سنه دوغرو باشلادی
و یئرآلتی یاشاییشیم
سنینله فورمالاشدی.
هر گون
ائوه آینویون آلیردیم
اوجو سنه چاتان لاغیملارا دوغرو گئده‌رک.
سن ایشله‌ییردین
منیم اته‌ییمین اوزرینده کی
میرواریلار چوخالیردی.
ایندی داها اؤزونو ایتیرمکدن قورخما
یئل ایچینده
یامسیلایان کؤلگه‌لردن قورخما…
من ده داها سندن نیگاران دئییلم
سنی منیمسه‌یه بیلمه‌دیم
گیروو توتوم‌مو سنی
من یالنیز
بیر یئنی نفسلی هجومچو اویونچویا
احتیاجیم وار ایدی
سنینله دولاشان طاعون خسته‌لییی
بیر یئرده قورتارمالییام
داها آرخامجا گلمه
قاییتمالییام
ائژه دنیزی‌نین ساحیلینده
سویون آلتیندا
سو آلتی گمیده اؤلن کیشی
منیم پاییم ایدی…

روجا چمنکار | ترجمه: 
روجا چمنکار | چئویرن: 
همت شهبازی
اشتراک گذاری در print
چاپ

یک پاسخ

  1. ایکینجی ترجمه چوخ گؤزل دی. اؤزو بیر شعردیر. یئنیدن شعری بلکه ده شعردن گؤزل یئنیدن یارادیلیشدیر.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

همت شهبازی

همت شهبازی

باشقا اثرلری