(«Jon English»ین «Six Ribbons» آدلی موسیقی‌سیندن آلینمیش)
عاشیق اولسایدیم
آلتی سئوگی ماهنیسی یازاردیم سنه-
پایلاشدیغیمیز سئوگینی دونیادا هارایلاماق اوچون؛
تاجیر اولسایدیم
آلتی قیمتلی داش گتیرردیم سنه آلتی مملکت‌دن-
دونیانین گؤزه‌للیک‌لرینی اووجوندا توتماق اوچون؛
ارباب اولسایدیم
آلتی آرابا وئر‌ردیم سنه و آلتی آغ آت-
دونیا سارایلاریندا دولانماق اوچون؛
شاه اولسایدیم
آلتی ساواشا گئدیب، آلتی یئنی مملکتی فتح ائده‌ردیم-
یالنیز سنین آدینی بایراق‌لاریندا یازماق اوچون؛
آمما من-
کاسیب بیر اکینچی‌‌یم، سئوگیلیم!
تکجه پایلاشا بیلدیگیم
ساچلارینی باغلاماق اوچون-
آلتی سونبول‌دیر…
مهر ۹۳
6 پاسخ
سئوگیلی قارداشیم بو شعر ده آلتی ساواش یا باشقا آلتی سؤزلردن، سؤز گئدیب آنلامین آچیقلارسینیز می؟
چوخ اینجه مقاملارلا دولو بیر شعر . دویغونا ساغلیق……
آلتی دفعه اوخودوم
چوخ گوزل
گؤزه‌ل ایدی. یاشا
چوخ گوز ه ل دی .
یاشاسین روشن عزیزیم
چوخ گؤزل چوخ تشکرلر روشن عزیزیم
آمما من-
کاسیب بیر اکینچی‌‌یم، سئوگیلیم!
تکجه پایلاشا بیلدیگیم
ساچلارینی باغلاماق اوچون-
آلتی سونبول‌دیر…