ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

عجب زمانه اولوب!
بؤیوک‌آغا افندی

عجب زمانه اولوب! پیشیگه پیشتی دئییرسن یوزنفر آغاج گؤتورور سنین اوستونه.
یازیرسان: «هرکس گره‌ک اؤز آنا دیلینده تحصیل آلا!»، «قاراباغ آذربایجانین‌دیر، گره‌ک ائرمنی‌لر قایتارا !»، فوری بیر عیدده‌نین باش- قولاغی شوشله‌نیر؛ ماجال وئرمیرلر سؤزون آغزیندا بیتسین. ایکینی سایینجا مین یئرده یازیرلار، اویان بو یان‌دا دئییرلر – «طرف پان تورک‌دیر، تجزیه‌طلب‌دیر…!»
یازیرسان: «اوستاد شجریان موسیقی خادیمی ایدی؛ خالقین خواننده‌سی ایدی؛ اونا گؤره ده خالقین اوره‌یینده ابدی یاشایاجاق. فوری دئییرلر: -«شجریان فردوسی‌نین باجی اوغلوسو ایدی. سن ده پان فارس‌سان، شوونیست‌سن!»
یازیرسان: «کشت صنعت موغانی، ماشین‌سازینی، فلان بهمان یئری نه‌دن موفته‌سینه باغیشلادینیز اونا، بونا؟ نییه اوردا ایشله‌ین زحمتکشلری آوارا قویورسونوز؟» یازیرلار: – «کوپک اوغلو کمونیست‌دیر. اصلن اولارین جد و آبادی مارکس‌ین، لنین‌ین، حزب توده‌نین، فدایی‌لرین… خانه‌زاد نوکرلری‌دیرلر.»
یازیرسان: «وآللاه کئچن رژیمده خالقین معیشتی بوندان چوخ یاخشی ایدی. باهالیق، بئکارلیق، تورم ائویمیزی ییخدی. بوگونون ایکی قارپیز پولو ایله قیرخ ایل بوندان قاباق یوز مئتیر ائو، بیر کیلو موزون پولونا بیر پیکان آلماق اولاردی.» های دوشور، قیشقیریرلار:- «دئمه‌دیک بو گَده شاهچی‌دی، سلطنت‌طلب‌دی؟!»
یازیرسان: «قاراداش عیسا، موسا اؤز دینینده؛ اوتور یئرینده قوی جماعات یاشاسین! خالقین خصوصی ایشلرینه دخالت ائله‌مه! اؤزونو آللاهین نماینده‌سی بیلمه! بس‌دیر آز اینجیدین بو میللتی!» آللاه گؤسترمه‌سین، قارا یاخالار اؤزون جیریر؛ آغالار تهدید ائدیرلر، دئییرلر:- «کافرسن، معلوم دئییل سنین تیکه کیمدن‌دیر …»
دئییرسن: «ایسته‌ییرم ائولنم» مین نفر دئییر: -«آلابا، داش دوشسون باشینا! اوتان، خجالت چک! هله ایندییه قالیب سنین ائولنمه‌یین؟!»
دئییرسن: «یاخشی، آنلامادیم؛ ایسته‌ییرم بوشانام.» دئییرلر:-«گؤره‌سن نه پوخ چیخاردیب ها، طرفی بوشاییرلار!»
دئییرسن: «60 ایلدن سونرا ایسته‌ییرم مین بورج‌لا، مین بانکدان دیلنمک‌له بیر ائو آلام بلکه کیرا کئشلیکدن یاخامی قورتارام.» قوهوم- اقروبادان توتدو بوتون قاپی قونشولار دئییرلر: -«طرف نم هاردان پارلاییب ها! دوننه‌جه آجیندان اؤلوردو. بوگون ایسته‌ییر ائو آلسین …»
عزیزیم، گؤزه‌لیم، آتا بابالار دئمیشکن: «قرار دئییل هامی سنین آغزین‌لا اوتورسون، دورسون. لوطفن باس ائشییه، قوی نفس چَکاخ!»

یک پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *