اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

تبریز؛ ترازی
سؤز و سس: آنیر قوجام

«غلامحسین فرنود»آ حصر اولونموش…

هله ایکی اوچ یارپاق دوشموشدو ۵۷_دن
بیز اورادا ، صمصامخان بوُیرونده
ثقه الاسلام ایچینده اوتورموشدوق
بیردن دئدیلر ؛
سین_سین غلامسئن گلدی
الینده اینگیلیتره‌جه ؛
That is not this ,
This is not that.
گتیردی.

اونو اورادا تخته‌سیاه قاباغیندا آسمیشدیلار.
آستا_آستا توولانیردی
سیلکه لنیردی
دئینیردی
هردن سه سئوینیردی
بعضاًده قولاغیمیزا بیر سوُز پیچیلداییردی.

من اونا تحفه ، عیسانین سون شامیندان* پای آپاردیم…
اونو شمس* ایچره گورردیم.

ائوده دولو یاغاردی ، کتاب یازاردی ،
درگی لردن، گونده لیک لردن باخاردی
هردن کوچه ده دولاناردی
سلام وئرردیک
گوزلریندن
گوزلوک آردیندان
بیزه صمد سوزردی
آستا_آستا ساناسان شعیر دوزَردی
یوکو دائما بیلگی دن دولو
هردن سه سیاست چکردی
کوهنه دوسلارین گورجک
هله لیک دئیه
بیزلری اکردی.

چای دان بیر شاققلتی گلدی
سینماق سس ایدی ساناسان
بیری دئدی خنچردی
بعضی لری ساندی قیندی
هر حالدا بیر زاد سیندی

چوخلاری دیکسیندی
چوخلاریندا دیکسیندیردی
غلامسئنه دئیه ن آز اولمادی ؛
فرنود!
اونود!

باخ فرنود_و سئوردیم
آنجاق آز_آز گورردیم
بیر زاماندا ائله بیل آلیزلادی
نه اولدو ، بیلمه دیم …
الینده عصا گورردم
سون واختدا باخیردیم شکلینه
اونو قوجا گوردوم !

تبریز ، ترازی
گلن چیخیر
بیری یونگول ، بیری سه آغیر گلیر
نه بیلیم بلکه اودا فاغیر گلدی ،
فاغیر گئتدی … !

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *