چئویرن: فریبا مرتضایی
ترجمه: فریبا مرتضایی
فریبا مرتضایی

من هئچ سئوینجیمی گولمه‌دیم‌کی!!
سحرلر ال- اوز یوماق بهانه‌سی ایله حوض باشینا گلیب، موسلوغون (قیرنا) اوستونده اوتوروب، فیگور توتوب، «مرضیه»دن «یکی حلقه به در زد» ترانه‌سین اوجا- اوجا اوخویاردیم؛ آتام سس آتانا قده‌ر:
– گل چای- چؤره‌یین یئگینن! اوشاق هارا آخی مرضیه هارا…!
هله یازیب اوخوماق یاشیندا دئییلدیم، آمما ترانه‌لرین هامیسینی بولبول کیمی ازبردن بیلیردیم. اوست- اوسته هوشلو- باشلی اوشاغیدیم! آنامی اؤزله‌دیییمده بو ماهنی‌لار سانکی بیر اومود قاپیسی‌ایدی منه!!
-«گفتم صنما، قبله‌نما بلکه تو باشی، تو باشی، توباشی»- بو «تو»لارین هامیسی آنامین آدی و منیم اوشاق اوره‌ییمده بوی آتمیش بؤیوک اؤزلملریمایدی! و آنلاییردیم کی هر زامان دیش آغریسی، بؤیرک‌دن گلن داش آغریسی و دوغوم سانجیسی، عذاب‌لارین شاهی دئییل، بلکه آنامین یوخلوغوندان دوغان نیسگیل‌لر و بوروق اوره‌ییمه ساپلانان آجی‌لارین شاهی و باباسی ایدی. نه یاخشی کی آتام واریدی و بو سانجی‌لاری، آغری‌لاری اؤز قایغی و محبت بولاغی‌نین سویوندان ایچیرمک‌له منه اونوتدوروردو.
آنا اؤزله‌مین ان درین شکیلده دادمیشام؛ ساده‌جه گؤزلریمین ایچی گولوردو؛ اودا آتامین گؤزلرینه اولان بنزرلیکدن!! سئوینجیمین بؤیوکلویو گلیب اؤزلملریمین بویونا چاتیردی، سونرا ایسه دؤنوب منه بوی دئییردی‌لر! من هئچ سئوینجیمی گولمه‌دیم‌کی!!

چاپ

یک پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

حیات حئکایه‌سیندن بیر دیلیم

فریبا مرتضایی
www.ishiq.net

آذربایجان ادبیات و اینجه‌صنعت سایتی

حیات حئکایه‌سیندن بیر دیلیم

فریبا مرتضایی
www.ishiq.net

آذربایجان ادبیات و اینجه‌صنعت سایتی

حیات حئکایه‌سیندن بیر دیلیم

فریبا مرتضایی
www.ishiq.net

آذربایجان ادبیات و اینجه‌صنعت سایتی