تانینمیش آذربایجان یازیچیسی رقیه خانیم کبیری‌نین «اؤزبکیستان سفرنامه‌سی» کیتابی حمیده‌خانیم رنجبرین طرفیندن اوخونوب، سسلی کیتابلار سیراسیندا ساتیشا بوراخیلدی.
«اؤزبکیستان سفرنامه‌سی» کیتابی «بیزیم سس» قرومو طرفیندن سسلندیریلیب، «نوار سایتی» طرفیندن ساتیشا بوراخیلیبدیر.
اؤزبکستان سفرنامه‌سی آذربایجانلی یازیچی رقیه کبیری‌نین ۲۰۱۵-جی ایلده، یئددی نفر شاعیر، یازیچی و رسام‌دان عبارت اولان سکگیز نفرلیک بیر کولتورل قروپ ایله تاشکند، سمرقند و بخارا شهرلرینه سفر ائتدییی تجربه‌لرینین روایتی‌دیر. مؤلف بو فوتو- شکیللی سفرنامه‌ده تور بلدچیسی‌نین قید ائتدییی معلوماتدان علاوه، بو شهرلرین توریستیک جاذبه‌لرینی، یئمک‌لر، عنعنوی عادت‌لر، رقص، موسیقی، ال ایشلری و معمارلیق ایله باغلی شخصی دوشونجه‌لرینی روایت ائتمکله یاناشی، اؤزبکستانا حاکیم اولان مدنیت حاقیندا اؤزل تاثراتینی قلمه آلمیشدیر.
سکگیزنفرلیک قروپون اویه‌لری بو شخص‌لردن عیبارت‌دیر: جواد مجابی (یازیچی و شاعیر)، آسیه جوادی (یازیچی، جواد مجابی‌نین حیات یولداشی)، پوپک مجابی (شاعیر، جواد مجابی‌نین قیزی)، مهرین ایرانی (رسام) و حیات‌یولداشی، الهه رئیس‌دانا (رسام) و حیات یولداشی، رقیه کبیری (یازیچی)
بو اثر مؤلفین قلمه آلدیغی ایکینجی سفرنامه‌سی‌دیر. اونون بیرینجی سفرنامه‌سی چین سفرینه عاید‌دیر و «ساچاقدان آسیلمیش اژدها» آدی ایله تبریزده موغام انتشاراتی طرفیندن نشر اولوب.
اؤزبکستان سفرنامه‌سی ۱۳۹۵-جی ایلده تبریزین انور نشریاتی و ۲۰۲۴-جو ایلده لاتین الفباسی ایله تورکیه‌نین قوبوستان نشریاتی طرفیندن نشر اولونوب.
- اؤزبکیستان سفرنامه‌سی کیتابی
یازیچی: رقیه کبیری
کیتاب «بیزیم سس» قرومو طرفیندن سسلندیریلیب. @Bizim Səs
کیتابی سسلندیرن: حمیده خانیم رنجبر @H Ranjbar
ائدیتور: جابر پورباقری
کاغاذ کیتاب ناشیری: انور
لاتین الفبایلا چاپ ناشیری: تورکیه‌نین قوبوستان یایین ائوی.Qobuustan yayıncılık
سسلی کیتاب ناشیری: موغام
کیتابین قیمتی: ۶۰ مین تومن
https://www.navaar.ir/audiobook/21688
