تانینمیش آذربایجان یازیچی و ژورنالیستی دوکتور «مرتضی مجدفر»ین تعلیم تربیه ساحه‌سینده‌کی علمی خدمتلریندن تجلیل اولوناجاق.
«نامه صدیق» درگیسی‌نین امکداشلیغی ایله حاضیرلانان بو عزیزلمه تدبیرینده علم و تعلیم تربیه ساحه‌سینده‌کی تانینمیش شخصیتلر او جومله‌دن: دوکتور تورانی، دوکتور امانی طهرانی، دوکتور تقی‌زاده، مهندس کرباسچیان، دوکتور شکرخواه و دوکتور نمک‌دوست آذربایجان یازیچی و ژورنالیستی دوکتور «مرتضی مجدفر»ین علمی فعالیتلری، خصوصیله‌دن اونون تعلیم و تربیه ساحه‌سینده‌کی ده‌یرلی اثرلری و فعالیتلریندن سؤز آچاراق، خدمتلرینی ده‌یرلندیره‌جکلر.
دوکتور «مرتضی مجدفر»ین عزیزلمه تدبیری سه‌شنبه گونو آبان آیی‌نین ۲۲سی ساعت ۱۵دن باشلاناجاق و بو تدبیرده اشتراک ائتمک عموم اوچون آزاددیر.
تدبیرین زمانی: سه‌شنبه ۲۲ آبان ساعت ۱۵
تدبیرین مکانی: تهران- میدان شهدا، خیابان ۱۷ شهریور، خیابان خشکنابی، فرهنگسرای امید
