اییرمی آلتینجی گون
رقیه کبیری
یاغیش دا یاغمالانمیشدی گؤزدن
باخیش دا!
تبریزین گؤبه‌یی
بویلو قالمیشدی دومانلاردان
ساعات مئیدانی…
ققنوس قوشو!
دیمدیینده دونموش موسیقی نوتو
ارییردی کؤزرمیش کاغیذلاردان…
سانجی وئریردی آنالار
دوغولوردو کسیلمیش دیل‌لری
یاندیریلمیش کیتابلارین کوللویونده
بیر ققنوس توخومو
قالمیشدی دیکتاتورون اللرینده
آذرین اییرمی آلتینجی گونونده
مین اوچ یوز اییرمی بئشینجی گونش ایلینده….
۹۱.۹.۲۳
