دامارلاریمدا دوروب بیر گلین‌جیغاز سئوگی
قانیملا آلدی سحر، جانلی دستماز سئوگی
باهار – باهار چیچگی باغلادی باخیشلاریما
گوناهسیز آلنیما ووردو موهورلو یاز سئوگی
و باغلادی قارا گونده چیراق – چیراق سحری
بو ارکؤیون کؤنوله ساخلادی تاراز ! سئوگی
گؤزللیک آختاریبان هر نه‌یی گؤزه‌ل گؤردوم
اوره‌کده بسله‌میشم تر- تمیز، بیاض سئوگی
اوشوتدو، سونرا آپاردی اؤزویله غم ائوینه
نه آغری‌لار ایچیمه کؤکله‌دی ناساز، سئوگی!
قیامت ائیله قوجاغیمدا دونیانی، هر گون
سال آرخایین‌لیق‌ایله قانلی جانماز، سئوگی!
اولوبدو باشیما افسر او «گوهر مقصود»
کی «آیتای»ین دیله‌یی اولماییب دایاز، سئوگی!
مهناز ص.(آیتای)
چئویرن: مهناز ص.(آیتای)
ترجمه: مهناز ص.(آیتای)
سسلندیرن: مهناز ص.(آیتای)
- شعر
- اوخوماق زامانی: < 1 دقیقه
- https://ishiq.net/?p=35418
چاپ
