بو تورپاغین یاساق دیلینده
پارتیزان بیر چیچک
گؤزه‌للییین
گولله دیشینده
کیتاب قایداسیندا
یئر کوره‌سینه باغیشلاییر.
هردن سنی دوشونورم
حیات یادیما دوشور.
دئمیشدیم هر ایل یای بیتن آی،
قیشین مئشه‌لرینده قار اریین زامان،
بیر قوجاق چیچکله خاطیرلایام سنی؛
اوخودوغون ماهنی‌لاری دینله‌یم،
اولدوزو دار آغاجیندان
باشقالیغی قاداغا قاندالیندان
آزاد ایسته‌ین
هیجانلارینا قوشولام.
انجیر آغاجی ساچین باغیشلاماسا دا
بیزیم محله‌دن اسن یئل‌لره
آغی‌لاردان عاشیق ماهنی‌سینا کؤرپو سالماغا
داریخمالاریمیز یئتر.
دالغادان ساحیله یول آچان میرواری‌لر
اصلاح ایشی‌نین
سون وئرژئنین وورغولاییر.
۱۴۰۲/۱۱/۱۵
