یادیرغاما
بیزیم ایلگی‌لریمیز وار
بنزرلیییمیز وار:
بیر مملکتین آدامی، حواسی
بیر گوناهین سورگونویوک.
جنون توتان
دیوارداکی ساعاتین ایشی
دقیقه‌دن دقیقه‌یه
باشقالاشماق‌دیر
قوخوماسین دئیه
مئشه‌نین داماریندا دولاشان یاشیللیق.
بیز ساعات اولا بیلمه‌ریک؟
چوخدان بو تورپاغی ترک ائدیب
آلما معناسی وئرن انتظارلار
دنیز سودا بوغولور
یاشایا بیلمه‌دن دنیزلییینی.
بیزده چیچک‌لرین شهریور آیی
عؤمورلوک یاشاماقدادیر
گونده بیر قیلیقدا
گونده بیر بویادا.
ساعات اولمورسانسا
مین ایللیک اشیالارینی
یول اوستونه جالاما.
۱۴۰۲/۰۶/۲۹
